|
PEYE POU LASANTE (KEKSYON & REPONS)
Ki kalite asirans sante yo aksepte nan Cambridge
Health Alliance lan?
Sa k ap pase si m pa gen asirans sante?
Ki kote biwo Asistans Finansye yo ye?
Kisa Network Health ye?
Èske yon lopital ka refize ban m swen
pou rezon finansye?
Ki moun pou m kontakte si gen yon erè nan
bòdwo lopital mwen?
Ki kalite asirans sante yo aksepte nan Cambridge
Health Alliance lan?
Majorite doktè nan Cambridge Health Alliance la aksepte tout
gwo asirans sante yo tankou, Blue Cross, Tufts, Harvard Pilgrim,
Network Health ak nouvo plan asirans sante "Commonwealth Care
yo". . Add: links to Mass Health Commonwealth Care
Sa k ap pase si m pa gen asirans lasante?
Si w pa gen asirans sante gen plizyè pwogram ki la ki ka
ede w. Tou depan de kantite kòb ou fè, ou ka kalifye
pou MassHealth, Network Health oubyen Commonwealth Care. Anplwaye
nou yo ka eksplike w pwogram sa yo, ba w aplikasyon yo epi ede w
ranpli fòm yo.
Ki kote Biwo Asistans Finansye yo ye?
Gen yo biwo Asistans Finansye nan chak lopital yo. Tou le twa biwo
yo ouvè de Lendi a Vandredi depi 9:00 AM jiska 4:30 PM.
- Nan Lopital Cambridge la Biwo a nan premye etaj la a bò
kote Biwo Enfòmasyon an. Nimewo telefòn nan se 617-665-1046.
- Nan Lopital Somerville la, biwo a nan premye etaj la, anndan
zòn Depatman Admisyon an. Nimewo telefòn nan se
617-591-4407.
- Nan lopital Whidden Memorial, biwo a nan etaj A a, touprè
Depatman Admisyon an. Nimewo telefòn nan 781-389-7809.
Kisa Network Health la ye?
Network Health la se yon plan asirans sante ki kontinye ap devlope
epi k bay kouvèti pou moun ki gen MassHealth ak Commonwealth
Care. MassHealth (pwogram Medicaid Massachusetts la) bay kouvèti
sante pou fanmi nan Massachusetts yo ki kalifye pou li tou depann
de revni yo.
" Network Health la gen ladan l yon gwo rezo doktè,
espesyalis, ak kote kap bay swen sante nan plizyè kominote
nan Massachusetts. Kòm yon moun ki gen MassHealth nan plan
Network Health la, w ap jwenn tout benefis MassHealth yo, plis benefis
ak sèvis adisyonèl Network Health la bay.
" Pou konn plis sou Network Health, rele 888-257-1985 oubyen
kontakte yo pa email.
Èske yon lopital ka refize ban
m swen pou rezon finansye?
Non, yon lopital pa ka refize pran swen okenn pasyan ki gen yon
ka ijan. Si lopital la pran swen pasyan ki gen Masshealth epi pasyan
an gen MassHealth, lopital la pa ka refize pran sen pasyan an. Tout
lopital Cambridge Health Alliance yo pran swen pasyan ki gen MassHealth.
Si yon lopital vle refize bay lòt pasyan swen pou rezon finansye,
li gen dwa gen pwosedi pou l fè sa nan règleman li
gen nan afè Kredi ak Kolekte dèt.
Si ou kwè ke yo refize w swen gratis konplè oubyen
pasyèl san rezon valab, ou ka pote plent kont desizyon an,
pou fè sa w ap bezwen rele Depatman Finans ak Règleman
Swen Sante (the Division of Health Care Finance and Policy) nan
617-988-3100. Ou ka pote yon plent a lekri tou bay "The Division
of Health Care Finance and Policy, Two Boylston Street, Boston,
MA 02116".
Ki moun pou m kontakte si gen yon erè
nan bòdwo lopital mwen?
Si w gen kesyon sou bòdwo lopital ou oubyen si w panse gen
yon erè, Depatman Sèvis Kliyan an ka ede w. Ou rele
oubyen ou ka pase nan biwo a. Ou ka jwenn 2 bòdwo separe
aprè w te vin lopital la. Se paske kèk nan doktè
ki wè w lopital la bezwen voye bòdwo apa ba ou. Depatman
Sèvis Kliyan an ka ede w konprann sa, e li ka mande w pou
rele yon lòt biwo pou kesyon w genyen sou bòdwo doktè
yo.
Anplwaye Depatman Sèvis Kliyan pale angle, Panyòl,
Pòtigè ak Kreyòl Ayisyen. Si w pale yon lòt
lang, n ap ba w yon entèprèt san w pa peye pou sa.
Sant Sèvis Kliyan nou an kote ou ka jis vini san w pa bezwen
yon randevou chita nan Lopital Cambridge la nan koulwa Prensipal
la bò kote Biwo Enfòmasyon an. Li ouvè de Lendi
a Vandredi depi 9:00 AM jiska 4:30 PM. Nimewo telefòn nan
se 617-665-3200.
|
